POR RICARDO DOMINGUEZ REY.
Hoxe 5 de agosto de 2013 cúmprese o primeiro aniversario da inauguración da estatua de Fraga,e, con elo, a culminación dun acto vil por parte dun Xudas cambadés, que vendeu ó seu pobo, non xa por trinta moedas de prata, como o discípulo de Xesús, senón por trinta
minutos de efémera gloria, quizais para compensar a súa mais que evidente mediocridade política, e quizais para intentar amosarlles aos seus que “a peperos non nos gaña ninguén”, aínda que con elo se leven por diante o bo nome e o prestixio de Cambados.
minutos de efémera gloria, quizais para compensar a súa mais que evidente mediocridade política, e quizais para intentar amosarlles aos seus que “a peperos non nos gaña ninguén”, aínda que con elo se leven por diante o bo nome e o prestixio de Cambados.
A estatua de Fraga resume toda a forma de facer política no Concello por parte de Luís Aragunde e do PP, unha política baseada no escurantismo, en facer todo ás costas dos veciños de Cambados e que cando son descubertos nun renuncio, din que eles non o fixeron que foron outros.
Esta estatua tamén representa a actitude que teñen de pensar que o Concello lles pertence, que é a súa finca particular, de que poden facer o que lles dea a gana sen ter que render contas , ao igual que, por exemplo, no, tristemente, asunto do Pinal da Maza.
Todo o que rodeou á realización da estatua do ministro franquista e á súa posterior inauguración foi un esperpento total que firmaría o propio Valle Inclan e amosou ata que punto pode facer o ridículo o “apéndice” de Tourís e, á vez, pseudo alcalde de Cambados:
Cando saíu a luz o tema da estatua, Aragunde afirmou, nunha entrevista, que el non tiña nada que ver, que todo partira dun “sector do viño” (por tanto do sector privado) e que, cando llo propuxeron, saíu, entusiasta, a xestionar unha subvención (pública). Sinceramente, amigos lectores, ¿pódese facer mais o ridículo intentando xustificar o inxustificable?, ¿este é o suposto alcalde de Cambados? ¿este é o respecto que Luís Aragunde ten por todos os cambadeses, intentando tratarnos de parvos?
Dicía Abraham Lincoln : “Pódese enganar a algúns todo o tempo e a todos algún tempo, pero non se pode enganar a todos todo o tempo”; dende logo, se algo positivo tivo a realización da estatua de Fraga é poder axudar un pouco mais a desvelar o carácter mentiroso e covarde de Luís Aragunde e ata que punto pode raiar a pantomima para intentar tapar unha mentira
Por certo, Luisiño ¿que foi daquela conta bancaria que se abriu, onde se podían realizar doazóns para sufragar a estatua e todo o que sobrase se destinaría a obras benéficas? Nunca mais sóubose nada, algo moi raro nunha persoa tan altruísta coma ti que cando chega a casa non é capaz de comer, afectado polos problemas que lle conta a xente; de seguro que onte, cando estabas no xantar do albariño, ó carón do presidente da Xunta, intentando convencerte a ti mesmo que estabas aí polos teus méritos e non por ser o recadeiro de Tourís, tiveches un pensamento para toda esa xente que o está a pasar mal, ata aseguraría que todo o marisco que tomaches dedicáchesllo aos mais desfavorecidos.
Antes de que me esqueza, para os talibans do PP , que regularmente nos lembran que Aragunde é alcalde por maioría absoluta e porque así o quixo o pobo, cousa que ninguén pon en dubida, lembrarlle a eles que Aragunde é alcalde de TODOS os cambadeses, é non só dos que lle votaron a el é, por tanto, a todos se debe.
A realización da estatua de Fraga foi un acto caprichoso, impropio dunha sociedade democrática e feito por un alcalde miserable que, en vez de pensar e traballar para o seu pobo, dedica a auto promocionarse, aínda que sexa a costa de prostituír o honor e o bo nome de Cambados e a súa xente.
RICARDO DOMINGUEZ REY
Ningún comentario:
Publicar un comentario