CO SÚA MULLER MAR COMO COPILOTO, SON OS FAVORITOS A GAÑAR O RALLYE DE CLÁSICOS DO ALBARIÑO.
Suso Miguez , non ten a sorte de ser nacido en Cambados, pero si ten a enorme fortuna de
vivir en Cambados dende moi neno, de ter unha muller impresionante e ademais ser de Cambados, das “Pampa Mias” concretamente (mulleres que se distinguen pola súa beleza) e ter uns fillos marabillosos, iso si, para desgraza de Suso só cambadeses. Suso exerceu a súa vida profesional como empregado de entidades tan entrañables como “Caixapontevedra, logo Caixavigo e agora Nova Caixa Galicia, xente como Suso, Egidio Varela. Manolo Pillado bótanse e falta nas sucursais de hoxe en día, profesional íntegro, traballador incansable e un “bo
rapaz”, ademais ten a peculiaridade que el a e mais a súa muller Mar, forman un equipo case inigualábel a hora de participar en Rallyes de coches clásicos e case que gañan todos con moito solvencia, se houbera unha “revista do corazón" en Cambados, levarianse a palma. En breve, concretamente, o día 16 de novembro participan no V Rallye do Albariño de Clásicos e son o equipo a bater. Suso amablemente concedeunos esta entrevista, que aparte de informarnos sobre como vai esta proba tamén nos fala das belezas deste deporte.
vivir en Cambados dende moi neno, de ter unha muller impresionante e ademais ser de Cambados, das “Pampa Mias” concretamente (mulleres que se distinguen pola súa beleza) e ter uns fillos marabillosos, iso si, para desgraza de Suso só cambadeses. Suso exerceu a súa vida profesional como empregado de entidades tan entrañables como “Caixapontevedra, logo Caixavigo e agora Nova Caixa Galicia, xente como Suso, Egidio Varela. Manolo Pillado bótanse e falta nas sucursais de hoxe en día, profesional íntegro, traballador incansable e un “bo
rapaz”, ademais ten a peculiaridade que el a e mais a súa muller Mar, forman un equipo case inigualábel a hora de participar en Rallyes de coches clásicos e case que gañan todos con moito solvencia, se houbera unha “revista do corazón" en Cambados, levarianse a palma. En breve, concretamente, o día 16 de novembro participan no V Rallye do Albariño de Clásicos e son o equipo a bater. Suso amablemente concedeunos esta entrevista, que aparte de informarnos sobre como vai esta proba tamén nos fala das belezas deste deporte.
A TI MEU CAMBADOS.- En que consisten estas probas.
SUSO MIGUEZ.- Os rallyes de regularidade son probas automobilísticas, non deportivas, nas que o obxectivo é completar un recorrido nun tempo o mais parecido posible o fixado pola organización.
A dificultade radica por unha banda en seguir rigorosamente o itinerario indicado no libro de ruta, a navegación, e tamén en intentar levar en todo momento a velocidade marcada nas "tablas" que nos entregan ao inicio do rallye.
O percorrido divídese en treitos de enlace e treitos de regularidade. Os primeiros serven para ir de un treito de regularidade a outro.
Os de regularidade son os importantes. Nestes a organización pon uns controles secretos nos que rexistran a hora de paso de cada participante. A diferencia entre a
hora de paso teórica e a real, medida en segundos, é a penalización que nos van a aplicar nese control, tanto sexa por adianto como por atraso.
hora de paso teórica e a real, medida en segundos, é a penalización que nos van a aplicar nese control, tanto sexa por adianto como por atraso.
Ao chegar o final do rallye, o equipo que menos puntos (segundos) acumule é o gañador.
ATMC.-Como se cronometran
S.M.-Levamos un localizador GPS no coche que lle indica á organización onde estamos en todo momento e que ao mesmo tempo rexistra as horas de paso polos controles.
ATMC.-Que idade ten que ter o vehículo para poder participar non rallye de clásicos.
S.M.-Mínimo 25 anos, pero hai algún rallyes mais restritivos que requiren vehículos anteriores o ano 1.974 ou o 1978 (só para algúns modelos).
ATMC.-Diferencia entre cronometraxe de rallyes normais e os clásicos.
S.M.-Nos rallyes normais, ou de velocidade, mídese o tempo invertido en realizar un treito e canto mais rápido vaias, mellor. Nos de regularidade o que se mide é a hora de paso por cada control. Como estes son secretos é necesario manter a media durante todo o treito.
Aínda que a velocidade poida parecer lenta, hai que ter en conta que os treitos discorren por carreteiras abertas ao tráfico, moi estreitas e sinuosas.
ATMC.-Inconvenientes que te podes encontrar nun rallye de clásicos
S.M..-Unha característica fundamental destes rallyes e que se realizan con estradas abertas o tráfico, e hai que respeitar sempre as normas de circulación. Isto leva que moitas veces, facendo un treito de regularidade te atopes con un tractor que vai moi despazo e non és capaz
de adiantar, ou con un vehículo alleo a proba facendo unha manobra, etc. Iso acarrea que chegues tarde a un control (ou mais de un) e penalices unha boa morea de puntos que en moitas ocasións dan o traste coas opcións de conseguir unha boa clasificación nunha proba.
de adiantar, ou con un vehículo alleo a proba facendo unha manobra, etc. Iso acarrea que chegues tarde a un control (ou mais de un) e penalices unha boa morea de puntos que en moitas ocasións dan o traste coas opcións de conseguir unha boa clasificación nunha proba.
A.T.M.C.-Funcións principais de condutor (obviamente aparte de conducir) e do copiloto.
S.M.-A labor mais importante é a do copiloto. A súa función é indicarlle o piloto o percorrido a seguir e a velocidade a que debe ir en cada momento.
O piloto, ademais de conducir, e concretamente no noso caso, axuda o copiloto a levar o libro de ruta, sobre todo cando hai moita navegación.
A.T.M.C.-Que pasa se vos saltades ou control ou chegades tarde a el.
S.M..-Si te equivocas no recorrido e non pasas por un control, póñenche unha penalización, que normalmente son 600 puntos.
Si pasas tarde a penalización é de un punto por cada segundo de atraso (ou adianto) sobre a hora teórica de paso por ese control.
A.T.M.C.-Cales foron os ultimos rallyes nos que intervichedes
S.M.-O último foi este fin de semana (26/10) no Rallye Cidade de Vigo no que acadamos a vitoria.
Anteriormente, no mes de setembro participamos no Rías Altas, en A Coruña, no que quedamos terceiros e no mes de Xuño no Rallye de Ourense no que tamén
acadamos o primeiro posto da clasificación.
acadamos o primeiro posto da clasificación.
A.T.M.C.-Tedes un "ranking" dos rallyes en todo ano, si é así en que posto estades.
S.M.-Hai un certame galego denominado Clásica Galicia que está formado por cinco rallyes:
Rías Baixas (Vigo), Lacón (Carballiño), Ourense, Rías Altas (A Coruña) e Cidade de Vigo.
No ano 2012 conseguimos a vitoria final da Clásica, despois de gañar tres dos cinco rallyes disputados. Este ano o campionato rematou co Rallye Cidade de Vigo e acadamos o subcampionato, despois de gañar dous rallyes e facer un terceiro posto.
Ademais da Clásica Galicia hai outros rallyes denominados sociais, que en teoría son mais curtos e mais sinxelos cos da Clásica.
A esta segunda categoría pertence o Rallye do Albariño, aínda que é a excepción que confirma a regra, porque para nada é corto e moito menos sinxelo. O Albariño é unha proba moi dura, con moita navegación e unhas medias moi difíciles de facer. Para moitos, entre os que me atopo,un dos mellores rallyes de regularidade que se fan en Galiza.
A.T.M.C.-Con que coche participas e de que ano é.
S.M.-Un BMW 1602 do ano 1.974.
A.T.M.C.-Que porcentaxe de mérito ten a maquina e piloto e copiloto nunha carreira.
S.M.-Xa dixen antes que a parte máis importante do equipo é o copiloto. Sobre él cae todo o peso da navegación e do cálculo das medias.
O piloto, debe ser un bo condutor, pero nada máis, non é necesario ser un fenómeno.
O que sí, debe axudar ó copiloto en determinados momentos, nos que este se ve apurado.
Con respecto o vehículo, é importante que sexa manexable e fiable. Non fai falla que teña unha gran potencia pero si a suficiente para afrontar costas sinuosas con soltura.
É moi importante que este sempre en perfecto estado mecánico para poder afrontar gran cantidade de quilómetros sen problemas. Un rallye como o Albariño, ou calquera dos da Clásica, consta de 300 qms de percorrido, máis os quilómetros que hai que facer para chegar a Ourense, Vigo ou A Coruña.
A.T.M.C.-Por último, favoritos para este rallie , aparte de ti obviamente.
S.M.-A falta de saber a lista definitiva, xa que aínda están abertas as inscricións, os favoritos son os habituais das probas que se realizan en Galiza. O gañador do ano pasado, Manuel Mayán, o do 2011, Alberto Conde, Willy Rodríguez, que sempre está nas posición de cabeza, Adolfo Rodríguez, Javier Fdez. Roca, que está nun gran momento de forma, e os compañeiros do Carballiño que en Cambados sempre fan un gran rallye. Non hai que esquecer tampouco os importantes equipos portugueses, que a falta de confirmación, parece que teñen intención de participar, e que son sempre moi competitivos.
Os que non sabiamos nada de Rallyes clásicos, agora grazas a Suso Miguéz sabémolo case todo. Moita sorte neste proba e esperamos vervos como gañadores. Unha aperta
Ningún comentario:
Publicar un comentario