29/07/2014

CARTA ABERTA A RUPERTO COSTA “PISALLEIRA”

CAMBADES, AMIGO E NOVO PATRON MAIOR DA CONFRARIA DE PESCADORES 
POR RICARDO DOMINGUEZ REY  
      Querido e apreciado amigo: 
      Escríboche esta carta, basicamente, para darche ánimos ante o novo reto que se che plantea a partir de
agora. Como xa che dixen o outro dia, mentres tomábamos un  café, non me gustaria estar no teu pelexo porque, a partir de agora,   vas a estar no punto de mira de moita xente; por un lado dos que, en moitos casos, déronche a sua
confianza nas pasadas eleccions, votando a vosa candidatura e que ven no equipo que representas a rexeneración que necesita o cabildo e, por outro lado, a oposición, encabezada, como non, polo señor (o de “señor” é un dicir) Benito Gonzalez  “Pelea”  que, sin dúbidas, fara honra ao seu alcume e dará guerra, intentando desprestixarvos ainda que,  tamén,  xa se está rumoreando que os seus “amigos”
xa lle estarian buscando un posto en Portos  por aquelo de que “caladiño está mais guapo”     
Eu non son un home de mar, pero para min  a xente (homes e mulleres)  que vive do mesmo teñen todo o meu respecto e admiración; vivir do mar supón estar suxeito a moitos contratempos que fan mais dificil
un oficio que xa é duro por si; por exemplo,  condicions climatolóxicas adversas que obrigan a ter amarrada a frota ou  uns prezos, na lonxa, que, en ocasions, non compesan siquera os gastos que supon salir a faenar.
Pero, os mariñeiros de Cambados, durante demasiado tempo a estas contratempos
tiveron que sumar outro, probablemente o mais duro,  como foi a deplorable xestión de Pelea como patron maior da confraría; deplorable porque ao fronte da mesma, non estaba un mariñeiro senon un burócrata, un burócrata  que miraba,
unica i exclusivamente, polo seu ben; quizais, por elo,  moita xente en Cambados esperábamos que se producise o  tan anhelado relevo na institución  
A partir de agora empeza o verdadeiro traballo para ti e
o teu equipo e o primeiro a facer  é “abrir todos os caixons” e ver que “regaliños” deixouvos “Benitiño”: hai que deixar ben claro cal é a situación económica real  da confraría e, si fai
falta, auditar os derradeiros exercicios non vaia a ser que, co tempo, queiran “cargarvos  o morto”. 
Tamén, polo bo nome  da confraría, esperemos que a xustiza aclare todo o relativo a  querela planteada polo presunto sobrecoste do barco;  que
“Benitiño” xa non sexa o patron maior en ningun caso pode representar que non teña que responder de todolas xestions levadas a cabo baixo o seu mandato i en esta, en concreto, ten moito que aclarar ainda.
Demostrando as suas dotes artisticas
con Chon.
O outro dia, tamén comentábache en broma que esperemos que co tempo non te acabes convertendo en outro “Pelea” e ti dixeches unha cousa que, para min, pareceume  do mais cabal que che escoite en toda a conversa e non é outra cousa  de que ti, simplemente, eres
un representante, a cabeza visible dun equipo; un equipo que traballará en conxunto  e con xente, ao meu humilde parecer, moi competente e con gañas e iniciativa, en definitiva, xente coma Paulo Rial, José María Vázquez, Carlos Martínez, Nicolas Bugallo, José Ramón Costa, José Luís Martínez, María José Cacabelos ou
Angel Abal e nomeo a estos porque son os que teño o pracer de coñecer persoalmente pero constame que a  totalidade  da directiva vai coas mesmas gañas e ilusión. 
Dende a perspectiva que me da coñecerte dende fai 39 anos (¡que vellos nos estamos a
facer, compañeiro!) podería dicir moitas cousas de ti pero si de algo estou seguro é que parvo non eres senon, mais ben, todo o contrario, sempre tívenche por un tipo moi intelixente e que  sabia superar os contratempos que se puidera atopar no camiño e sei que cando te comprometes con algo  falo a un cen por cen, sei que te vas a implicar como ninguen e procuraras a integración e a unión de todolos sectores do mar.  
Soamente quedame desexarte sorte (vala necesitar) e non che digo que espero que o fagas mellor que o patrón maior “sainte”  porque facelo peor é practicamente imposible.......Benitiño, por desgraza para os mariñeiros  cambadeses deixou o listón demasiado baixo. 
UNHA APERTA, AMIGO 


                   RICARDO DOMINGUEZ REY

Ningún comentario: