TREIXADURA 25 ANOS - ''VENDIMA TARDA''
Concerto coa participación da coral Cantiga e Agarimos.
Treixadura celebra en Pontevedra o seu 25 aniversario de traxectoria artística cun novo disco que resume a súa extensa carreira e inclúe algunhas pezas inéditas.
TREIXADURA:
Treixadura constitúe desde 1990, un espectáculo musical sorprendente. A música tradicional observada desde dúas concepcións ben arraigadas: o canto e a gaita.
Un tempo no que o grupo foi modelando o seu camiño, transformando o estilo, sen renunciar ao seu son característico. Fieis ao compromiso co seu público, intentando elevar a interpretación da música tradicional ao máximo nivel artístico e escénico.
Ao longo da súa traxectoria son moitas as melodías que
rescataron do anonimato e outras tantas creadas para que a cadea de transmisión da música tradicional continúe viva.
Un xeito de facer cunha personalidade moi característica, de enlazar a raíz musical da nosa cultura co xeito de entender hoxe a música tradicional.
25 anos de grabacións e concertos, 6 discos no mercado, unha variada gama de colaboracións discográficas e vida en común, compartindo co público o poder e a forza evocadora, máxica e reconfortante do canto colectivo.
O grupo Treixadura está formado por:
Toniño López: Tambor e pandereta.
César Longa: Acordeón.
Pablo Nogueira: Gaita e percusiones.
Magoia Bodega: Gaita e bombo.
Xaquín Xesteira: Gaita e percusiones.
Orfeón Treixadura (10 voces):
Tenores: Alberte Raposo, Toño D. Fontenla e Delio Domínguez.
Barítonos: Antón Cabaleiro, Pablo Rei, Xurxo Raposo e Mingos Lorenzo.
Baixos: Álvaro Lamas, Gustavo Cuntín e Moncho Marín.
Treixadura foi galardonado nos primeiros Premios Galegos da Música Martín Códax, entregados en decembro de 2013,
como o Mellor Grupo de Música Tradicional Galega.
En 2014 recibiron a homenaxe da Asociación de Funcionarios para a Normalización Lingüística pola súa exquisitez no tratamento musical e escénico do noso folclore e o seu traballo en prol da recuperación da música tradicional galega.
Prezo dá entrada desde 10,00 €
Comprar entradas TREIXADURA 25 ANOS - ''VENDIMA TARDA'' Pontevedra, PREMENDO AQUI.
Ningún comentario:
Publicar un comentario